10 авг. 2010 г.

"ԳՏԻՐ 50 PR ՀԱՊԱՎՈՒՄ ԵՐԵՎԱՆ ՔԱՂԱՔՈՒՄ" խորագրով առաջին հայկական քաղաքային քվեստ-մրցույթի ամփոփում

Սույն թվականի հուլիսի 20-ից մինչև 25-ը "PR-ի Զարգացման Հայկական Կենտրոն"-ի կողմից կազմակերպված "Գտիր 50 PR հապավում Երևանում" խորագրով առաջին հայկական քաղաքային քվեստ-մրցույթի արդյունքներն ամփոփվեցին հուլիսի 28-ին՝ Հայաստանում առաջին անգամ նշվող "PR-ի և PR մասնագետների" օրը, քանի որ քվեստ-մրցույթը նույնպես նվիրված էր այդ օրվան: Քվեստ-մրցույթի արդյուքներն ու հաղթողների անունները հայտարարվեցին PR-ի և PR մասնագետների օրվա կապակցությամբ Հայաստանում առաջին անագամ անցկացվող "PR մրցանակաբաշխության" հանդիսավոր արարողության ժամանակ: Հաղթողները որպես պարգևատրում ստացան գեղեցիկ խրախուսական հուշանվեր-մրցանակներ և շնորհակալագրեր:
 

"Գտիր 50 PR հապավում Երևանում" խորագրով առաջին հայկական քաղաքային քվեստ-մրցույթի հաղթող են ճանաչվել.
 

Առաջին տեղ՝ լրագրող Գայանե Նազարյան,




  Երկրորդ տեղ՝ Մարալ Հարությունյան,

 Երրորդ տեղ՝ Նարինե Քարտաշյան:


 Շնորհավորում ենք և շնորհակալություն հայտնում մասնակցության համար: 

Ավել տեղեկատվության և միջոցառման բոլոր նկարները դիտելու համար կարող եք այցելել http://kikimania.wordpress.com կամ http://armpr.com հասցեներով:

Հարգանքներով՝ «PR-ի ԶԱՐԳԱՑՄԱՆ ՀԱՅԿԱԿԱՆ ԿԵՆՏՐՈՆ»: 

25 июл. 2010 г.

"ԳՏԻՐ 50 PR ՀԱՊԱՎՈՒՄ ԵՐԵՎԱՆ ՔԱՂԱՔՈՒՄ" խորագրով առաջին հայկական քաղաքային քվեստ-մրցույթն ավարտվեց

"ԳՏԻՐ 50 PR ՀԱՊԱՎՈՒՄ ԵՐԵՎԱՆ ՔԱՂԱՔՈՒՄ" խորագրով առաջին հայկական քաղաքային քվեստ-մրցույթն ավարտվեց: Շնորհակալություն ենք հայտնում բոլոր մասնակիցներին իրենց հետաքրքիր աշխատանքների համար և շնորհավորում ենք մեր հաղթողներին, որոնց հետ կհանդիպենք հուլիսի 28-ին:

Սպասեք նոր և էլ ավելի հետաքրքիր քվեստների...:)

Հարգանքներով՝ «PR-ի ԶԱՐԳԱՑՄԱՆ ՀԱՅԿԱԿԱՆ ԿԵՆՏՐՈՆ»:

19 июл. 2010 г.

"ԳՏԻՐ 50 PR ՀԱՊԱՎՈՒՄ ԵՐԵՎԱՆ ՔԱՂԱՔՈՒՄ" խորագրով առաջին հայկական քաղաքային քվեստ-մրցույթ

"PR-ի Զարգացման Հայկական Կենտրոն"-ը սույն թվականի հուլիսի 20-ից մինչև 25-ը առաջին անգամ Հայաստանում կազմակերպում է քաղաքային քվեստ-մրցույթ: Քվեստ-մրցույթը նվիրված է հուլիսի 28-ին նշվող "PR-ի և PR մասնագետների" օրվան: "Գտիր 50 PR հապավում Երևանում" խորագրով քաղաքային քվեստ-մրցույթին կարող են մասնակցել բոլորը` առանց սահմանափակումների: Դրա համար ցանկացողները պետք է 5 օրվա ընթացքում Երևանի տարածքում ցակացած լուսանկարող սարքով (ֆոտո ապարատով կամ բջջային հեռախոսով) լուսանկարեն 50 բառ, որոնցում կա լատինատառ PR հապավումը` ճիշտ հաջորդականությամբ (օր` surPRise): 
             Հաղթող կճանաչվեն այն 3 մասնակիցները, ովքեր մյուսներից շուտ կներկայացնեն 50 լատինատառ բառ, որոնցում առկա է PR հապավումը: "PR-ի Զարգացման Հայկական Կենտրոն"-ը սահմանել է խրախուսական մրցանակներ առաջին երեք ներկայացնողների համար: Մրցույթի արդյունքները կամփոփվեն և կհրապարակվեն սույն թվականի հուլիսի 28-ին:
            

"ԳՏԻՐ  50  PR  ՀԱՊԱՎՈՒՄ  ԵՐԵՎԱՆ  ՔԱՂԱՔՈՒՄ"
 Քաղաքային քվեստի մասնակցության կարգը.

1. Մրցույթին կարող են մասնակցել բոլոր ցանկացողները,
2. Քաղաքային քվեստ- մասնակիցները պետք է 5 օրվա ընթացքում Երևանի տարածքում ցակացած լուսանկարող սարքով (ֆոտո ապարատով կամ բջջային հեռախոսով) լուսանկարեն 50 բառ, որոնցում կա լատինատառ PR հապավումը` ճիշտ հաջորդականությամբ (օր` surPRise),
3. Հաղթող կճանաչվեն այն 3 մասնակիցները, ովքեր մյուսներից շուտ կներկայացնեն 50 լատինատառ բառ, որոնցում առկա է PR հապավումը,
4. PR հապավումների լուսանկարները պետք է արվեն բացառապես Երևան քաղաքի տարածքում` տարբեր ընկերությունների լատինատառ ցուցանակների, վահանակների, լոգոների, անվանումների և այլնի օգտագործմամբ: Նկարված բառերի մեջ PR հապավումը կարող է լինել բառի սկզբում, մեջտեղում կամ վերջում, սակայն նշված հերթականությամբ` PR,
5. Լուսանկարները ներկայացնելիս պետք է կից նշել այն հասցեն, որտեղ գտնվում է PR հապավումը պարունակող բառը,
6. Լուսանկարում պետք է երևա ամբողջ բառը, որի մեջ գտնվել է PR հապավումը, իսկ լուսանկարի որակը պետք է լինի բավարար՝ բառի ու հապավման հստակ երևալու համար,
7.  Մրցույթին չեն կարող ներկայացվել կավիճով, գրիչով, ածուխով կամ ձեռքով գրված PR հապավումները,
8. Միևնույն մասնակցի կողմից մրցույթին չպետք է ներկայացվեն բնույթով կրկնվող բառեր` օրինակ չի կարելի ներկայացնել մեկից ավել "PRint" բառը, եթե անգամ լուսանկարն արվել է տարբեր վայրերում,
9. Լուսանկարները կարող են ներկայացվել ինչպես տպված, այնպես էլ էլեկտրոնային տարբերակով՝ որևէ կրիչի վրա,
10. Մրցույթի վերջնաժամկետն է սույն թվականի հուլիսի 25-ը,
11. Մասնակիցներն իրենց հավաքած 50 PR հապավումներով լուսանկարները պետք է ներկայացնեն "PR-ի Զարգացման Հայկական Կենտրոն"` Մ. Մկրտչյան 8 հասցեով: